Kryeministri grek Kyriakos Mitsotakis bëri fajtorë të rinjtë dhe jetën e natës për shtimin e të infektuarve me COVID-19 në vend.
“Ne provuam shumë plane por ato u tradhtuan nga sjellja e disa njerëzve. Ne e dimë sot cilat ishin burimet e shpërthimeve. Ne po e themi këtë për t’i shpjeguar shoqërisë se këto sjellje krijojnë një problem të shëndetit publik. Burimi kryesor i përhapjes ishte argëtimi i të rinjve”, tha ndër të tjera Mitsotakis. Nga foltorja e parlamentit,
Në lidhje me një karantinë të dytë, kreu i qeverisë greke u shpreh se nuk është një vendim i lehtë për t’u marrë.
“Sot nuk ecim pa drejtim. Duhet të shtrëngojmë dhëmbët për të arritur deri në fund. Ne do të kemi vaksina nga janari. Dozat do të të vijnë në pjesë dhe qytetarët do të duhet të vaksinohen në mënyrë që të thyejnë zinxhirin e pandemisë. Do të kapërcejmë vështirësitë dhe do të dalim fitimtarë me sa më pak lëndime, në mënyrë që viti 2021 të jetë viti i rifillimit”.
Mitsotakis u bëri apel qytetarëve që të jenë më të kujdesshëm në lidhje me kujdesin e tyre ndaj Covid.
“Javët e ardhshme do të jenë të vështira. Ato janë gjithashtu të vështira për bashkëqytetarët tanë që punojnë, të cilët po përballen me pasoja ekonomike. Kjo është arsyeja pse ne thamë që posaçërisht për nëntorin do të dyfishojmë kompensimin në punën e paguar dhe do ta sjellim atë në 800 euro . Ne do të mbështesim familjet më të rrezikuara.
Nga nisja e pandemisë, Greqia ka regjistruar 63,321 të prekur me Covid-19 dhe 909 viktima.
