Policia ka arrestuar një 46-vjeçare të dënuar për një krim makabër në Greqi.
Bëhet fjalë për shtetasen shqiptare Irena Kostaki (Zeria), e cila është dënuar me 20 vjet burg në Greqi, pasi në vitin 1995 në Diles ka vrarë me vetëdije dhe paramendim të bijën vetëm 9-muajshe, duke e mbytur.
Kostaki kaloi pak më shumë se një vit në Qendrën e Paraburgimit të Femrave në Koridalo, nga ku u arratis, në marsin e vitit 1997, për t’iu zhdukur forcave të policisë greke.
E dënuara, e cila kërkohej ndërkombëtarisht, u arrestua në fshatin Miras të Devollit. Për të ishte caktuar masa e sigurisë, “Arrest në burg”, për veprën penale “Vrasja me paramendim”.
