Në të vërtetë familja Taullau, ka shitur një sipërfaqe toke prej 37. 978 mijë metër në Tiranë në vitin 2006, biznesmenit Samir Mane për një vlerë 3.2 milionë euro. E gjithë transferta është bërë në mënyrë ligjore, bankare, dhe palët janë dakortësuar para noterit.
Duke folur për pronat dhe ligjshmërinë e tyre, në rrëfimin e tij, Sajmir Taullau ndër të tjera në intervistën e tij ka theksuar se “i kanë në dorë të gjitha por, unë kam çdo gjë, me letra dhe dokumente. Unë nuk jam kundër ligjit…unë kam një pronë që ia kam marrë me qera vëllerzërve të mi, Bertit dhe Fatmirit, me kontratë sigurisht. Ata janë marrë me biznes, kanë shitur dhe një tokë këtu në autostradë para shumë viteve 3 milionë e 200 mijë euro”
Është shitur me kontratë, me bankë apo?
Me kontratë me bankë, sipas ligjit, asgjë informale. Ia ka blerë im vëlla që është vrarë në vitin 2005 një fondacioni amerikan dhe në 2006 ia ka shitur vëllai tjetër një biznesmeni. Duhet të pyes vëllanë për emrin e tij dhe kontratën..”
E gjitha në bankë?
E gjitha nëpërmjet bankave, në sistem, nuk ka asgjë të jashtëligjshme, ndaj nuk e kuptoj këtë që po ndodhë. Për tre gjëra gjithë kjo zhurmë për Sajmir Taullahun, pë tre objekte që janë në legalizim e për një stan delesh.”
KONTRATA —–Kontrata
Me datë 2 nëntor 2006, palët, “Taullau” dhe “Mane” para noteres Mimoza Sadushaj. janë paraqitur për të formësuar dhe nënshkruar kontratën.
Blerësi, shoqëria tregtare “Mane” TCI” sh.p.k, përfaqësuar nga Julian Mane.
Shitësi është pronar i një sipërfaqeje prej 37.978 metër katror, pasuri e ndodhur në Tiranë, Kashar dhe blerësi angazhohet të blejë këtë pasuri objekt të kësaj kontrate.
Në nenin 2.1 të kontratës, thuhet se “ Palët bien dakord që çmimi total është 3.200.000, (tre milionë e dyqindmijë) euro, në të cilën përfshihen të gjithë detyrimet ndaj shtetit, detyrime të cilat do të paguhen nga pala shitëse.
Pagesa është likuiduar jashtë kësaj zyre.
Kjo kontratë është përpiluar me datë 03.11.2006 në pesë kopje me vlerë të njëjtë ligjore. Kontrata u bë para palëve, u gjend e rregullt në përputhje me vullnetin e tyre të plotë dhe u nënshkrua në mënyrë të rregullt nga palët përpara meje dhe unë noterja e vërtetoj sipas ligjit.”
Firmëtarët e kontratës janë Albert Taullau dhe Julian Mane dhe gjithashtu Samir Mane ka nënshkruar se është i pranishëm, duke qenë edhe ai firmosës në kontratë.
Kjo pasuri e shitur në miliona euro, Taullau pretendon se ka shërbyer si pasuri për të investuar në prona të tjera të familjes së tyre. Të gjitha këto akte dhe kontrata janë përcjellë në Prokurorinë dhe Gjykatën e Posaçme, bashkangjitur formularit të plotësuar të OFL, dërguar muaj më parë Sajmir Taullaut, që është administrator i pronave të familjes në këtë periudhë, sigurisht para se të ndalohej jashtë vendit.
Sajmir Taullau, është një ndër subjektet OFL, që muaj më parë ka plotësuar një formular dhe ajo çka policia ka marrë, ka qenë një makinë e pretenduar si e blinduar, ndërsa Taullau, pohonte se realisht dhe me letrat shoqëruese, ai ishte thjesht një mjet 300 mijë lekësh, të cilin e kanë sekuestruar. Makina ka qenë tip Nisan, prodhim i vitit 2004, sipas deklarimit të Taullaut, e blerë para një viti e gjysëm me vlerën 3 milionë lekë të vjetra
Ai ka pohuar se ishte bërë subjekt i këtij ligji, sepse ka kryer kohë më parë një dënim me 3.8 vite për trafik droge. /Shijak tv
