Brikena Asa ishte e ftuar këtë të hënë në emisionin “Abc-ja e mëngjesit” për të folur për projektin e saj më të fundit që e bëri bashkë me Altin Sulkun.
Këngëtarja rrëfeu sakrificat që i është dashur të bëjë për të ndjekur rrugën e muzikës, teksa tha se i është dashur të dalë dhe nga dritarja pasi i ati nuk dëshironte që të merrej me muzikë.
“Nuk është se isha futur seriozisht, plus mundësitë. Por dhe babi nuk më ka lënë të këndoja, më ka penguar. Dhe në Top Fest gjithmonë kam dalë fshehurazi, i thonin babait ka dalë vajza jote në televizor. Ka patur atë opinionin e keq për këngëtarët. Kam dalë dhe nga dritarja sepse më mbyllte derën. pasioni bën të veten, do të bësh gjithçka për të.“, tha këngëtarja.
