Këngëtarja e njohur shqiptare Bleona Qereti ishte në qendër të mediave shqiptare ditët e fundit për shkak të angazhimit të saj në fushatën e presidentit të SHBA, Donald Trump.
Në një lidhje live nga SHBA me emisionin “PolitikON”, Bleona ka thënë se shumë njerëz në Shqipëri kanë aluduar se meqë pas 6 muajsh janë zgjedhjet, ajo do kthehet për t’u bërë ministre.
“Unë nuk kam aspirata politike. Shumë njerëz kanë aluduar meqë janë zgjedhjet, do të kthehem në Shqipëri për 6 muaj që të bëhem ministre. Dihet tashmë që unë çohem shumë vonë nga gjumi dhe nuk mund të kem një punë 9 me 5.
Vazhdoj t’i qëndroj pas faktit se administrata Trump ka bërë një punë të mrekullueshme dhe mesazhi im ka qenë për shqiptarët që jetojnë në SHBA. Unë jam shumë krenare që komuniteti shqiptar është integruar në SHBA”, tha ajo.
