Rubrika “N’fermë”, në “E Diell”, të ftuar këtë puntate kishte, këngëtaren Irini Qirjako, aktoren Eva Alikaj, spikeren e lajmeve Ola Bruko, modelen e fitness-it, Dorina Mema dhe violonçelistin Iljard Shaba.
Personazhet nuk e kishin të lehtë të mësoheshin me punët e vështira të fshatit. Irini, u angazhua me kujdesin e bletëve dhe vjeljen e mjaltit. Eva dhe Ola, u vendosën në serrë dhe nisën të mbillnin fruta e perime, ndërsa Iljardi, i ndihmoi me traktor duke punuar tokën.
Dorina kishte një sfidë jo të lehtë. Ndonëse një modele fitness-i dhe e mësuar me peshat e rënda, detyra për të prerë drurët ishte jo e thjeshtë për të.
Pas një pushimi duke konsumuar kafe, Irini vijoi punën duke mjelë lopët, por gjatë kësaj procedure hasi vështirësi me njërën, e cila vazhdimisht e shkelmonte.
