Këtë fillim jave, leku ka thelluar pozitat dominuese në raport me valutat kryesore. Në tregun e këmbimit valutor vendas, të hënën monedha vendase, lek u forcua ndaj euros, dollarit amerikan, paundit britanik dhe frangës zvicerane.
Sipas kursit zyrtar të Bankës së Shqipërisë, euro këmbehet me 123.81 lekë ose 0.01 lekë më pak se në fundjavë, ndërsa monedha e gjelbër amerikane këmbehet me 104.32 lekë ose 0.15 lekë më pak se ditën e shtunë.
Paundi britanik këmbehet me 137.13 lekë ose 0.17 lekë më pak dhe franga zvicerane u zhvlerësua me 0.04 lekë dhe këmbehet me 115.95 lekë.
