Trupi i pajetë i një burri është gjetur këtë të Hënë në pikën e bashkimit të lumit Kardhiq me lumin Drino, bënë me dije burime zyrtare nga policia.
Të njëjtat burime shtuan se viktima është ende i paidentifikuar, ndërsa po hetohen shkaqet e mbytjes së tij.
“Mëngjesin e ditës së sotme, në afërsi të fshatit Palokastër, në pikën e bashkimit të lumit Kardhiq me lumin Drino është gjetur i pajetë trupi i një shtetasi të seksit mashkull, rreth 65 vjeç. Në vendngjarje kanë shkuar shërbimet e Policisë dhe grupi hetimor po punon për identifikimin e këtij shtetasi dhe shkaqet e mbytjes së tij”, njoftoi policia e Gjirokastrës.
