Pasi mposhti coronavirusin vetëm pak ditë më parë, Myrto Uzuni është kthyer menjëherë në formën e tij më të mirë.
Futbollisti i Shqipërisë ishte protagonisti absolut i fitores së skuadrës së tij hungareze Ferencvaros ndaj Mezokovesd-Zhori në javën e 10-të të kampionatit.
25-vjeçari asistoi dy gola si dhe shënoi të tretin. Aktualisht, rezultati i takimit është 3-0 në favor të kampionëve në fuqi të Hungarisë.
Ky është goli i parë i Uzunit në kampionatin hungarez me Ferencvaroshin. Uzuni është thirrur nga trajneri i Shqipërisë Reja për ndeshjet e këtij muaji.
