Festivali i RTSH-së do të mbahet ndryshe këtë vit, për shkak të situatës së pandemisë së koronavirusit. Drejtori i Festivalit, Martin Leka njoftoi se prezantuesit e këtij edicioni do të jenë moderatorja Jonida Vokshi dhe gazetari Blendi Salaj, i cili njëkohësisht do të jetë edhe skenaristi.
Festivali i RTSH-së do të zhvillohet në ambient të hapur, pranë sheshit “Italia” në kryeqytet.
Në performancat e këngëtarëve që do të konkurrojnë, nuk lejohen më shumë se 7 persona, për të respektuar protokollin e masave anti-Covid të përcaktuar nga Ministria e Shëndetësisë.
Festivali mendohet të mbahet midis datave 17-26 dhjetor, në varësi të kushteve të diktuara nga pandemia dhe moti.
“Festivali i 59-të do të mbahet këtë vit në kushte të veçanta, për shkak të rrethanave të krijuara nga covid 19, në mjedis të hapur, pranë sheshit “Italia” në kryeqytet.
Interpretuesit kanë mundësi të përcjellin këngën e tyre artistiksht, nëpërmjet performancave që do të lejojnë jo më shumë se 7 persona në skenë, përfshirë interpretuesin, duke respektuar protokollin e masave anti-covid të përcaktuar nga Ministria e Shëndetësisë.
Festivali do të mbahet midis datave 17-26 dhjetor, në varësi të kushteve të diktuara nga pandemia dhe moti,”- njoftoi drejtori Martin Leka.
