Konspiracionisti Alfred Cako ka bërë një tjetër deklaratë të fortë në studion e emisionit “E Diell”, më konkretisht në rubrikën “Rrethi Katror”.
Cako tha se të gjithë gratë e liderëve më të mëdhenj të botës, sa herë që shkojnë në ndonjë vend, vizitojnë shtëpitë e fëmijëve. Kjo sipas tij lidhet me faktin se në kohë krize dhe lufte, ajo që ndodh masivisht sipas tij është tregtia e fëmijëve.
Cako theksoi se në Maqedoni kanë humbur shumë fëmijë, Kosovë dhe Mal të Zi gjithashtu, ndërsa shtoi se edhe në vendin tonë ka shumë fëmijë të zhdukur e për këtë sipas Cakos duhet të nisi një hetim.
‘E dini përse këto gratë sa herë vijnë këtu vizitojnë shtëpitë e fëmijëve. Hillary Klinton, Laura Bush, përse këto gratë e politikanëve tanë…Tregtia më e madhe në kohë luftërash dhe rrëmujash nuk është as droga dhe floriri por tregtia e fëmijëve. Në të gjitha vendet kur bëhet luftë, aty targetohen nga satanistët tregtia më e madhe. Edhe në luftërat ë Kosovë, Maqedoni, kanë humbur me qindra fëmijë. Edhe këtu kanë humbur shumë fëmijë, edhe këtu duhet të bëhet një hetim”, tha Cako.
