Duke fituar Pensilvaninë, Joe Biden ka siguruar votat e nevojshme elektorale për t’u bërë presidenti i ardhshëm i SHBA-ve.
Sipas projeksioneve të BBC-së, fitorja e 20 votave elektorale të Pensilvanisë e çoi Bidenin nga 253 vota në 273 – duke tejkaluar nivelin prej 270 votash të nevojshme për të fituar zgjedhjet.
Teksa numërimi i votave vazhdon ende në Xhorxha, Arizona dhe Nevada, ku Biden është sërish në avantazh ndaj presidentit Trump, rezultati mund të ndryshojë, por vetëm në favor të Bidenit. Nëse ai fiton dhe në këto tre shtete do të arrijë në 306 vota elektorale.
Joe Biden, 77 vjeç, e bazoi fushatën e tij elektorale, më shumë se sa në një ideologji politike, në një sulm kundër presidentit aktual Donald Trump dhe kërkoi bashkimin e grupeve të ndryshme të qytetarëve rreth idesë se Trump paraqiste një kërcënim ekzistencial ndaj demokracisë amerikane.
Strategjia rezultoi e efektshme, duke siguruar në fitore të rëndësishme në Michigan dhe Wisconsin, si dhe Pensilvani, bastione demokratike të njëhershme që kishin kaluar pro Trumpit në vitin 2016.
