Në orët e mëngjesit të së premtes, ish-nënpresidenti Biden fitoi një epërsi prej 917 votash në shtetin e Xhorxhias që ka 16 vota elektorale.
Gara në këtë shtet është shumë e ngushtë dhe deri tani atje janë numëruar 99 për qind e votave.
Numërimi i votave vazhdon edhe në tri shtete të tjera që mund të jenë vendimtare: në Arizona dhe Nevada, ku zoti Biden ka epërsinë, ndërsa në Pensilvani, epërsia e presidentit Trump ka rënë në 18 mijë vota.
Biden aktualisht kryeson në votën popullore si dhe në shifrat e Kolegjit Zgjedhor, 253-214. Për të fituar presidencën, një kandidati i duhet shumica prej 270 votash elektorale.
Në sistemin e Kolegjit Zgjedhor amerikan fituesi i votës popullore në secilin shtet – me dy përjashtime, Mejn dhe Nebraska – merr të gjitha votat elektorale të atij shteti, të cilat ndahen në bazë të popullsisë.
/VOA/
