E përditshmja spanjolle, “Marca” ka kryer një sondazh në lidhje me qendërmbrojtësin më të mirë të historisë së futbollit.
Fitues ka rezultuar Sergio Ramos dhe me një diferencë të madhe nga ndjekësit. Kapiteni i Real Madrid ka dalë në vend të parë me 78% të votave, duke lënë pas një legjendë si Franz Beckenbauer.
Gjermani ia ka dalë të marrë vetëm 18% të votave, teksa podi kompletohet nga Franco Baresi. Ish-kapiteni legjendar i Milanit ka marrë 4% të votave.
Më pas vijnë emra si Roland Koeman (2%), Fabio Cannavaro (1%), Daniel Passarella (1%), ndërsa mungesa e madhe është ajo e Paolo Maldinit.
Kuptohet një sondazh deri diku i njëanshëm, teksa pjesa më e madhe e votuesve janë spanjollë, por ajo që nuk mund të diskutohet është fakti që 34-vjeçari po shkruan historinë me Real Madrid.
