Rekord i ri i rasteve të reja me koronavirus në Kosovë. Autoritete shëndetësore raportuan këtë të Premte 728 raste të reja infeksioni me Covid-19 në 24 orët e fundit, nga 1827 testime.
Instituti Kombëtar i Shëndetësisë Publike të Kosovës raportoi po ashtu 12 humbje jete.
Që nga shfaqja e pandemisë në Kosovë, 22 934 persona janë infektuar, ndërsa janë shënuar 732 raste të vdekjes.
Gjatë 24 orëve të fundit, janë shëruar 60 pacientë, ndërsa numri i përgjithshëm i të shëruarve deri më sot është gjithsej 15 981.
Rastet aktive janë 6 221.
Kosova vendosi këtë të Premte kthimin e kufizimeve gjatë fundjavës.
