Është ndarë nga jeta pas një sëmundje të rëndë ish pedagogu dhe ish komandant i Aviacionit të Republikës se Shqipërisë, Nikoll Dudi.
Mësohet se piloti që bëri epokë në vendin tonë, ish-komandanti i Aviacionit shqiptar, humbi betejën me një sëmundje të rëndë pasditen e sotme.
Nikoll Dudi lindi në Fang të Rubikut për t’u shkolluar në vendlindje dhe më pas ndoqi në shkollën ushtarake ‘Skënderbej’.
Ai shkoi në në Rusi ku përfundoi specializimin për aviacion. Karrierën ushtarake e nisi në vitin 1960, duke drejtuar si pilot avionët luftarak MIG 15 dhe MIG 17 si dhe zv/komandant skuadrilje.
Për disa vite drejtoi shkollën e larte të aviacionit në Vlorë. Po ashtu ishte edhe pedagog në Akademinë ushtarake.
