Një burrë është plagosur rëndë në kokë, pasi është qëlluar me një mjet prerës. Ngjarja ka ndodhur në një fshat të Kurbinit dhe burri, 61 vjeç, dyshohet se është qëlluar në kokë me sqepar, nga bashkëshortja.
Plagosja e 61-vjeçarit nga gruaja 58 vjeçe dyshohet se ka ndodhur në kulmin e një konflikti mes të dyve. Pas plagosjes, burri është transportuar në spitalin e “Traumës” në Tiranë.
Çifti ka dhjetë 10 fëmijë.
“Në orët e para të mëngjesit, në fshatin Sanxhak, Kurbin, për motive ende të paqarta shtetasja D. D., 58 vjeçe ka goditur me sende të forta bashkëshortin e saj shtetasin Ll.D., 61 vjeç, ku për pasojë ka marrë dëmtime dhe është dërguar në spitalin e Traumës, Tiranë. Shtetasja D.D. është shoqeruar në Komisariatin e Policisë Kurbin, për veprime të mëtejshme. Grupi hetimor në vendgjarje punon për sqarimin e plotë të shkaqeve dhe rrethanave të ngjarjes”, njoftoi policia.
