Teksa numërimi po shkon drejt fundit, Presidenti amerikan Donald Trump po vijon kryesimin në shtetin e Xhorxhias, ndaj kandidatit demokrat Joe Biden.
Sipas përditësimit të fundit të të dhënave nga televizioni amerikan “Fox News”, teksa janë numëruar 99 përqind të votave, Trump vijon të kryesojë me 18 148 vota, ose 0.4% më shumë se Biden. Asnjë nga televizionet amerikane nuk ka një projeksion për shtetin e Xhorxhias që ka 16 vota elektorale.
Presidentit Trump i duhet të fitojë në këtë shtetet në mënyrë që qëndrojë në garën për të drejtuar Shtëpinë e Bardhë dhe katër vite të tjera.
Referuar projeksioneve në televizioneve amerikane, janë pesë shtete, ku ende nuk ka një projeksion për fituesin: Xhorxhia, Nevada, Alaska, Pensilvani, Karolina e Veriut. Biden po udhëheq në Nevada, ndërsa Trump në shtetet e tjera. Kandidatit demokrat Biden i mjafton fitorja në Nevada, për të marrë kreun e shtëpisë së Bardhë. Nga ana tjetër, kandidatit republikan Donald Trump i duhet të fitojë në të gjitha shtetet ku rezultati është ende i diskutueshëm, për tu shpallur fitues në këto zgjedhje presidenciale.
