Një shpërthim i fuqishëm është raportuar orët e para të mëngjesit në Elbasan, rreth orës në 04:45.
Mësohet se sasia e lëndës plasëse është vendosur në shtëpinë e Talo Çelës, në fshatin Katund i Ri, në pjesën e jashtëme të banesës. Banesa nuk ishte e banueshme dhe raportohen vetëm dëme materiale.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
Pak muaj me parë në një atentat mbeti i vrarë Bujar Çela, vëllai i Talo Çelës, i cili është i dyshuar për një sërë aktesh kriminale. 49-vjeçari Talo Çela akuzohet si i përfshirë në grabitjen e famshme të Rinasit, si dhe në vrasjen e dy vëllezërve Haxhia në Durrës.
