Aktori i njohur i humorit, Olsi Bylyku, prej më shumë se një viti, po shijon romancën me të dashurën e tij Egli Tako.,
Së fundmi ai ishte i ftuar në “Ftesë në 5” ku foli rreth marrëdhënies me partneren e tij. Bieta e “provokoi” Olsin duke i thënë se e dashura e tij i ka dërguar një video-mesazh, por aktori u habit, pasi ia ka ndaluar Eglit daljen në televizion.
“Egli bën çfarëdo lloj gjëje që t’i dojë zemra, por ka diçka që, kjo fusha jonë sa më shumë që e kam njohur, kam arritur në përfundimin se është 60% menaxhim dhe 40% punë.
Sot flasin për Eglin vetëm ngaqë është Olsi Bylyku, unë nuk dua që nesër kur të dalë Egli të flitet për Olsin, por të flitet për Eglin që është, sepse unë e di shumë mirë se çfarë talenti ka ajo”,- shpjegoi Olsi.
Edhe pse pranoi se nuk di të gatuajë, Olsi u shpreh se është shumë romantik dhe dhuratat për Eglin janë të shpeshta.
Ndërsa i pyetur nëse këshillohet me nënën për problemet që ka me Eglin, Olsi e mohoi diçka të tillë, duke nënkuptuar se gjërat i zgjidhin mes njëri-tjetrit.
