Situatë e rëndë paraqitet në vend për shkak të Covid-19. Në 24 orët e fundit regjistruam sërish infektime të larta, 421 raste të reja. Jo vetëm infektimet, por edhe numri i viktimave u rrit.
Në 24 orët e fundit, kanë humbur jetën 7 qytetarë në spitalet Covid: një 58-vjeçare, një 59-vjeçar, një 63-vjeçar, një 78-vjeçar nga Tirana, një 67-vjeçar nga Lushnja, një 70-vjeçar nga Durrësi një 76-vjeçar nga Skrapari, me sëmundje bashkëshoqëruese.
Janë shtuar edhe shtrimet në spitale. Aktualisht në 3 spitalet Covid, po trajtohen 346 pacientë, 10 në terapi intensive nga të cilët 4 pacientë janë të intubuar.
