Moderatorja Alketa Vejsiu ka treguar se një muaj më parë edhe ajo u prek nga koronavirusi.
Duke kërkuar nga fansat për ta pyetur në lidhje me këtë fakt, ajo ka treguar simptomat dhe se çfarë ndiente gjatë kohës kur ishte e infektuar.
Alketa shkruan në Instagram se fillimisht kishte pasur temperaturë, ethe, dhimbje koke, rrufë, ikja e shijes dhe nuhatjes dhe në ditën e pestë ka pasur këputje.
Tregon ndër të tjera se gjendjen e saj e kishte ndjekur mjeku Pëllumb Pipero, dhe pas 14 ditësh në karantinë doli negative në tamponin e dytë.
Pjesa më e vështirë për të ka qenë distancimi nga fëmijët e saj, duke mos qenë në gjendje që t’i përqafonte apo t’i puthte.
