Votuesit në Arizona, New Jersey dhe në Dakotën e Jugut parashikohet se do të miratojnë legalizimin e marijuanës për tu përdorur në mjekësi, raporton CNN. Dakota e Jugut do të jetë shteti i parë që miraton masa mjekësore dhe rekreative të marijuanës në të njëjtën kohë.
Rezultatet nuk kanë përcaktuar ende si kanë reaguar votuesit në Montana dhe Missisipi për legalizimin e marijuanës për tu përdorur në barna mjekësore. Por sondazhet parazgjedhore kanë treguar se votuesit në Arizona, Montana dhe New Jersey e mbështesnin këtë propozim.
John Hudak, zëvendës drejtor në Institucionin Brookings, tha se pasi votuesit të miratojnë masat, legjislaturat e shtetit normalisht do të duhet të krijojnë struktura rregullatore brenda secilit shtet. Aktualisht, 11 shtete kanë legalizuar përdorimin e plotë të marijuanës për të rriturit.
