Dukesha e Sussex, Meghan Markle, është anëtarja e parë që voton në zgjedhjet presidenciale të SHBA-së, shkruajnë mediat e huaja.
Një burim pranë saj është shprehur se edhe pse Harry nuk është në gjendje të marrë pjesë në zgjedhje sepse nuk është një shtetas amerikan, Meghan mezi priste të hidhte votën e saj, gjë që ajo e bëri përmes votimit me postë.
Giithashtu i njëjti burim rrëfeu se Meghan nuk do të linte asgjë që ta ndalonte atë të votojë në këto zgjedhje, duke këmbëngulur se ajo do të votonte edhe nëse do të vazhdonin të jetonin në Mbretërinë e Bashkuar.
Kujtojmë se, në një intervistë për “Marie Claire” në gusht, Meghan tregoi arsyen se pse ajo dëshiron të votojë në zgjedhje.
“Unë e di se si është të kesh një zë dhe gjithashtu si është të ndihesh pa zë. Unë gjithashtu e di se kaq shumë burra dhe gra kanë vënë jetën e tyre në fronë të parë që ne të dëgjohemi. Dhe kjo mundësi, kjo e drejtë themelore, është në aftësinë tonë për të ushtruar të drejtën tonë për të votuar dhe për të bërë zërin tonë të dëgjohet.”
