Pas Uiskonsin, Joe Biden përmbys rezultatin dhe në shtetin e Miçigenit.
Kandiati demokrat, sipas të dhënave të “Fox News”, po kryeson në Miçigen me 0.4 përqind të votave ndaj Trump, teksa janë numëruar 94 përqind e tyre.
Aktualisht, Biden udhëheq me 238 vota elektorale, ndaj 213 të Presidentit Donald Trump, teksa për tu shpallur fitues nevojiten 270 vota.
Numërimi i votave që mund ta përcaktojnë rezultatin vazhdon edhe në gjashtë shtete: Nevada, Xhorxhia, Miçigen, Karolinë e Veriut, Pensilvani dhe Uiskonsin.
Biden duhet t’i fitojë të paktën tri nga këto shtete për t’u zgjedhur president, ndërsa Trump duhet të fitojë së paku katër.
Momentalisht, Biden po kryeson në Uiskonsin, Miçigen dhe Nevada, që ka njoftuar ndërprerjen e numërimit të votimeve deri ditën e nesërme.
Nëse Biden mban epërsinë në këto shtete, ai merr drejtimin e Shtëpisë së Bardhë.
