Dy këngëtarët, Frederik Ndoci dhe Gerona Hyska, të cilët jetojnë në SHBA ishin së fundmi në një lidhje të drejtpëedrejtë me emisionin “Shqipëria Live”. Si e përjetuan shqiptarët që jetojnë në Shtetet e Bashkuara të Amerikës, ngjarjen më të rëndësishme siç janë zgjedhjet presidenciale ishte tema që u diskutua në studio.
Frederiku ka patur të drejtën e votës dhe tha se është në mbështetje të Donald Trump. Nga ana tjetër, Gerona ka një vit e gjysmë që jeton atje dhe nuk ka patur mundësi që të votojë në këto zgjedhje që ajo i quan të “bujshme”.
“Jam munduar që të jem pak neutrale tani që nuk mund të votoj. Uroj që të fitojë më i miri. Mendoj se artisti është neutral, nuk duhet të politizohet”, tha ajo.
Ndërsa e pyetur se çfarë mendojnë shqiptarët atje, ajo tha se janë shumë simpatizantë të presidentit Donald Trump. Madje edhe ajo tha se kur ka qenë e vogël ka patur qejf Trump si një biznesmen.
