Leipzig ka mundur 2-1 me përmbysje Paris Saint-Germain dhe ka kapur Manchester United në kreun e Grupit H. Mungesat e shumta dhe të rëndësishme, kryesisht ajo e Neymar dhe Mbappe, janë ndier nga francezët.
Pavarësisht këtyre mungesave, ndeshja e zhvilluar në Gjermani mund të kishte patur një fund tjetër nëse Di Maria nuk do të kishte gabuar një penallti në minutën e 16-të pasi kaloi në avantazh skuadrën e tij në minutën e 6-të.
Gjermanët kanë ngushtuar diferencat me Nkunku në të 42-ën dhe kanë përmbysur ndeshjen në 56-ën me një penallti të Forsberg.
PSG mban vendin e parafundit në grupi me 3 pikë, aq sa Basaksehir-i i vendit të fundit.
Fitore e rëndësishme edhe për Borussia Dortmund në Grupin F. Verdhezinjtë kanë mundur 3-0 Club Brugge dhe kanë marrë vendin e parë duke përfituar nga barazimi i Lazio-s në Rusi me Zenit-in.
Të tre golat e gjermanëve janë shënuar në pjesën e parë, një nga Hazard dhe dy nga i përhershmi Haaland. Norvegjezi ka realizuar 14 gola në total në Champions League, po aq sa Perandori Adriano dhe Fenomeni Ronaldo./ Telesport
