CNN ka publikuar të dhënat e Exit Poll-it të parë, që ka të bëjë me tema dhe çështje. Edhe pse CNN është pozicionuar hapur kundër presidentit Trump, nga komentuesit në studio, u pranua se ky sondazh e nxjerr mirë kandidatin republikan.
Të dhënat e marra nga votuesit, sipas CNN tregojnë se 48 përqind e amerikanëve mendojnë se situata e pandemisë është menaxhuar mirë, shifër kjo në rritje nga sondazhet e mëparshme.
Po ashtu, mbi 30 përqind e tyre kanë vlerësuar se ekonomia është pika më e rëndësishme në këto kohë dhe në këto zgjedhje. Ndërsa Covid ka dalë si shqetësimi i tretë.
Votimi do të vijojë deri në 19.00 me orën lokale të Uashingtonit, që do të thotë deri në orën 01.00 të së Mërkurës me orën tonë.
Exit Poll i dytë i CNN pritet të dalë pas një ore, ku votuesit janë pyetur drejtpërdrejt se për kë e kanë hedhur verdiktin e tyre, kë kanë zgjedhur mes Trump dhe Biden.
