Rreth 2.6 ton kanabis janë kapur në Podgoricë të Malit të Zi, në një kamion i cili kishte kaluar përmes Shqipërisë.
Në pranga ka rënë shqiptari Elvis Çalik 40 vjeç. Lënda narkotike u gjet në një kamion që hyri nga Shqipëria në pikën kufitare Bozaj dhe kishte destinacjon Gjermaninë.
Kamioni plot me drogë duket se nuk u ndalua nga Policia Shqiptare.
Policia malazeze thotë se transporti i drogës, ishte organizuar nga një grup kriminal shqiptar.
“Të dhënat operacionale tregojnë se një grup i organizuar kriminal aktiv në territorin e Republikës së Shqipërisë, u përpoq të kontrabandonte rreth 2.6 tonë marihuanë në Evropën Perëndimore. Hetimi i mëtejshëm është duke u zhvilluar me policinë e Republikës së Shqipërisë dhe policinë e vendeve të Bashkimit Evropian”, – thotë Policia e Malit të Zi.
“Një kamion i drejtuar nga E.C (40), një shtetas i Republikës së Shqipërisë, mbërriti në vendkalimin kufitar Božaj sot, 3 nëntor. Kamioni kalonte tranzit drejt vendeve të BE dhe kishte një ngarkesë me fruta dhe perime. Oficerë anti-kontrabandë gjatë kontrollit gjetën nëntë paleta që përmbajnë lëndë narkotike e llojit marihuanë me një peshë totale prej rreth 2.6 ton” përfundon deklarata e policisë malazeze.
LEXO EDHE:
Kapen 2 ton kanabis në Mal të Zi, kamioni kaloi nga Shqipëria
