Real Madrid ka mposhtur Interin me rezultat 3-2 në ndeshjen e raundit të tretë në Ligën e Kampioneve.
Reali krijoi epërsi të dyfishtë me golat e Benzema në minutën e 25-të dhe Ramos në minutën e 33-të të ndeshjes.
Interi për një moment u rikthye duke barazuar rezultatin. Lautaro Martinez në minutën e 35-të dhe Perisic në minutën e 68-të shënuan golat për zikaltrit.
Golin e fitores për Realin e shënoi Rodrygo në minutën e 80-të të ndeshjes. Me këtë fitore, Reali pozicionohet në vendin e tretë me 4 pikë ndërsa Interi ështe e fundit me 2 pikë.
Bayern Munich, kampionët në fuqi të Champions League, morën fitoren e radhës dhe këtë herë likuiduan austriakët e RB Salzburg. Mërgim Berisha befasoi gjermanët që në minutën e katërt, por 45 minutat e para u mbyllën 1-2. Lewandowski dhe Kristiensen me autogolin e tij i dhanë epërsinë bavarezëve.
Okugawa për Salzburg i barazoi shifrat, por Bayern nuk mund të pajtohej me rezultatin. Boateng, Sane, sërish Lewandowski dhe Hernandez shënuan katër herë dhe bënë që ndeshja të mbyllej me rezultatin 2-6 në favor të gjermanëve.
