Një kollitje përpara ekranit të smartfonit tuaj është e mjaftueshme që inteligjenca artificiale (IA) të njohë njerëzit asimptomatë që janë mbartës të virusit Covid-19.
Në fakt, një tingull karakteristik del nga goja e tyre, i cili nuk dallohet nga veshi i njeriut, nuk i shpëton algoritmit të zhvilluar nga studiuesit në ”Massachusetts Institute of Technology” (MIT) në Boston.
Shkalla e suksesit të saj është afër 100%, sipas testeve të botuara në ”IEEE Journal of Engineering in Medicine and Biology”, dhe së shpejti mund të çojë në zhvillimin e një aplikacioni falas për smartfonët për shqyrtim masiv.
Ky version hitech do t’i lejonte njerëzit të kontrollonin veten e tyre çdo ditë në shtëpi, për të zbuluar në kohë reale nëse rrezikojnë të kenë kontraktuar virusin dhe nëse u duhet të bëjnë një tampon.
Sisteme të ngjashme të inteligjencës artificiale janë studjuar prej kohësh për diagnostikimin dhe monitorimin e sëmundjeve të frymëmarrjes si astma dhe pneumonia, por jo vetëm.
Sistemi, i testuar me 1 000 regjistrime të reja audio, ka një saktësi prej 98,5%, përfshirë asimptomatikët që zbulohen në 100% të rasteve.
