Aktori i njohur amerikan, Eddie Hassell, është vrarë me armë zjarri në mes të rrugës në Teksas. 30-vjeçari i cili është i njohur për rolin e tij në filmin e nominuar për çmimin Oscar në 2010, “The Kids Are All Right” u qëllua disa herë jashtë apartamentit të të dashurës së tij në Dallas.
Mediat e huaja shkruajnë se Eddie ndërroi jetë më pas në spital për shkak të plagëve të marra. Nga të dhënat e para mendohet se Hassell u qëllua gjatë një tentative për grabitjen e makinës, por policia po heton dhe pista të tjera.
Eddie mbahet mend dhe për rolet e tij në serialin “Surface” dhe atë në filmin biografik për themeluesin e Apple, Steve Jobs.
