Champions League rikthehet mbrëmjen e sotme, ku do të luhen disa nga ndeshjet e treta në grupe. Sfidat që spikasin janë dy: Real Madrid-Inter dhe Atalanta-Liverpool.
Spanjollët, që janë edhe rekordmenët e Champions, do tentojnë triumfin e parë. Nga ana tjetër të njëjtën gjë synon edhe Interi, që në dy takimet e para ka dalë barazim dhe sonte nuk do të ketë të gatshëm as sulmuesin Romelu Lukaku. Kjo përballje luhet prej orës 21:00, ashtu sikurse sfida mes Liverpool dhe Atalantas.
Në orën 18:55 luhen sfidat Lokomotiv Moscow-Atletico Madrid dhe Shakhtar Donetsk-Borussia M’Gladbah. Gjithashtu në mbrëmje luajnë edhe Bayern Munich dhe Manchester City. Kampionët në fuqi përballen me RB Salzburg në transfertë, kurse Qytetarët presin grekët e Olympiacos.
Nata e Champions ka edhe përballje të tjera, si Porto-Marseille dhe Midtjylland-Ajax.
Sa u takon shqiptarëve, Berat Gjimshiti dhe Mërgim Berisha priten në fushë dhe luajnë kundër dy ekipeve që kanë triumfuar në Champions dy sezonet e fundit.
