Turqia dhe Greqia janë tronditur nga lëkundje të forta tërmeti ditët e fundit. Sipas mediave greke, të dhënat sizmike në Samos janë të frikshme pas tërmetit të fortë me magnitudë 6.7 të shkallës rihter.
Të dhënat tregojnë se pas tërmetit të fuqishëm është regjistruar një paslëkundje në çdo 17 minuta, ku më e madhja ka qenë me magnitudë 5 të shkallës rihter.
Dy adoleshentë janë mes viktimave që humbën jetën si pasojë e tërmetit që goditi Egjeun. Raportohet se jetën e ka humbur një 17-vjeçar dhe një 15-vjeçar në ishullin grek të Samos-it.
Dy fëmijët u shtypën nga rrënojat e një ndërtesë, disa orë pas goditjes kryesore. Incidenti tragjik ndodhi kur fëmijët po ktheheshin nga shkolla. Në një moment u shemb kati i parë i një ndërtese duke i zënë ata poshtë.
