Avokati Altin Goxhaj, i cili njihet për kritikat ndaj vendimeve për menaxhimin e situatës së koronavirusit është pro fitores së Donald Trump në zgjedhjet presidenciale të 4 Nëntorit. Në intervistën për Fax News, është shprehur se beson që Trump do ti japë drejtim botës sapo të marrë fitoren.
Ndër të tjera, Goxhaj foli për protokollet e trajtimit shëndetësor të OBSH duke thënë se ka mjekë që e thonë hapur se vrasin njerëz. Ditën e sotme u shënua viktima e tretë që hidhet nga spitali “Shefqet Ndroqi” ku po trajtohej nga Covidi ndërsa avokati Goxhaj thekson se gjithcka lidhet me një antibiotik që ndikon tek rritja e trendit të vetëvrasjes.
“Trump ka deklaruar se pas 4 nëntorit nuk do të dëgjoni më për të asnjëherë. Natyrisht që nuk është ky kuptimi i fjalës që 4 Nëntor nuk do ketë gjë por ne do ti japim drejtim botës pa plandemi. Në 2019 kanë vdekur më shumë njerëz në botë se në 2020. Rama e dinte që në mars që kishte një valë të dytë. E dinin që atëherë që nuk do dilte ilac, e dinin që do fillonte normaliteti i ri dhe bota nuk do të ishte më sic kishte qenë.
Kujtoni fjalët e Ramës, Manastirliut, OBSH dhe gjithë të tjerëve. Cfarë donin këta? Të mësoheshim me normalitetin e ri. Ky është normaliteti i ri. Kjo është mënyra e re e jetesës. Ku e dinë ata? Pse ishin të sigurtë se bota e së nesërmes do ishte kjo? Sepse këta e kanë parashikuar, duket dhe nga protokollet e trajtimit shëndetësor që të gjithë mjekët po bashkohen kundër kësaj plandemie dhe deklarojnë se protokollet e OBSH vrasin njerëz.
Njëri nga antibiotikët që po përdoret ndikon tek rritja e trendit të vetëvrasjes tek njerëzit. Ju e dini që sot kemi viktimën e tretë që hidhet nga ballkoni. Kanë krijuar një gjendje terrori ku njeriu hidhet nga ballkoni se mendon më mirë të shpëtoj se kush e di sa do vuaj. Kjo është praktika e protokollit.
Ajo që do ndodhë më 4 Nëntor në Amerikë është fati i botës dhe plandemia aty e ka përcaktimin, do vazhdojë apo do shuhet”, tha Goxhaj.
