Çifti i njohur i showbiz-it shqiptar, Heidi Lushtaku dhe Robin Krasniqi, i dhanë fund romancës pas 4 vitesh dashuri. Ishte vetë modelja e njohur ajo që bëri të ditur për fansat lajmin për ndarjen nga boksieri.
“Ndarjet janë të vështira dhe aspak të këndshme, sidomos pas një periudhë afërsisht katërvjeçare, të cilën e kemi të mbushur me përjetime të këndshme dhe të hareshme. Nga pamundësia që ta ruajmë këtë harmoni, ekuilibër dhe përkushtim ndaj njëri-tjetrit në vijim, kemi vendosur para shtatë muajsh t’i japim fund fejesës sonë.” – shkruante Heidi asokohe.
Mesa duket dashuria e tyre ka qenë e fortë, pasi ata e kanë gjetur sërish rrugën te njëri-tjetri. Burime për “Prive” janë shprehur se Heidi dhe Robin janë sërish së bashku.
Ata i kanë dhënë edhe një shans njëri-tjetrit, për të parë nëse do të funksionojë kësaj here. Madje kujtojmë se Robin u shpall kampion bote muajin që kaloi, Heidi nuk ngurroi që ta uronte atë publikisht në rrjetet e saj sociale.
