Reperi Kanye West i bëri bashkëshortes së tij, Kim Kardashian një dhuratë të pazakontë për ditëlindje. Ai i mundësoi një “takim” më të atin e ndjerë dhe ky i fundit pati një mesazh emocionues për Kim-in. Robert Kardashian u vendos përballë së bijës përmes iluzioneve të krijuara me holograme.
Me një mesazh prej 2 minutash, babai i Kim ‘tregoi’ se ndihet krenar për familjen që ajo ka krijuar, për pasurinë dhe bizneset e saj, për ndjekjen e studimeve në Drejtësi.
Gjithashtu ai ‘thotë’ se ajo ka një nënë dhe bashkëshort të mrekullueshëm.
“Hologram nga parajsa. Për ditëlindje Kanye më bëri dhuratën e jetës. Një surprizë speciale nga parajsa. Një hologram të babait tim. Kam qarë shumë. E kam parë kushedi se sa herë. As nuk arrij ta përshkruaj se sa domethënëse ishte për mua dhe motrat e mia, për vëllain tim, për nënën dhe për miqtë e ngushtë. Faleminderit Kanye për këtë kujtim që do zgjasë përgjithmonë”, shkruan ajo.
Hologramet janë kudo rreth nesh. Madje i keni edhe më afër sesa mund ta mendoni … në fakt, ato ndoshta janë në xhepin ose portofolin tuaj tani. Karta e kreditit, paratë ose patenta juaj janë shembuj perfekt.
Hologramet janë ato modelet (si stampa) me shkëlqim metalik, me imazhe fantazmë që “lundrojnë” brenda tyre që ndihmojnë në mosfalsifikimin e tyre. Ato janë shumë të vështira për t’u riprodhuar kështu që ndihmojnë kundër kopjeve të paligjshme të kartëmonedhave. Kartat e kreditit zakonisht kanë holograme dhe paketat e softuerëve gjithashtu shpesh kanë vula hologramatike për të provuar vërtetësinë e tyre.
