Kombëtarja e Shqipërisë do të rikthehet në fushat e lojës më 15 dhe 18 nëntor, ku do të zhvillojë dy ndeshjet e fundit të grupeve të Nations League.
Kombëtarja do të grumbullohet së shpejti për të filluar përgatitjet por trajneri Reja ka marrë një lajm aspak të mirë.
Mesfushori Keidi Bare, me shumë mundësi, do të mungojë në këtë grumbullim të kombëtares, e cila para se të luajë me Kazakistanin dhe Bjellorusinë, do të zhvillojë edhe një ndeshje miqësore me Kosovën më 11 nëntor.
Lajmi është bërë i ditur nga mediat spanjolle, të cilat shkruajnë se mesfushori ishte lënduar që në ndeshjet e fundit me Shqipërinë, ndërsa gjendja ishte rënduar pasi ishte aktivizuar për rreth 25 minuta në ndeshjen ndaj Espanyol dhe Ponferadinës.
