Kreu i opozitës Lulzim Basha i ka bërë sërish apel SPAK-ut të hetojë vjedhjet dhe aferat e mëdha korruptive që po bëhen në kurriz të shqiptarëve.
Në një bashkëbisedim me gazetarët Basha pyeti SPAK se ccfarë po e pengon të hetojë këtë korrupsion të madh.
Ai theksoi se tashmë të gjitha provat për mafien e plehrave janë dhe i dinë të gjithë shqiptarët.
‘SPAK prej 3 muajsh ka në tavolinë kallëzimet penale, hesht duke u bërë alibi për vijimin e vjedhjes. Nëse SPAK-u do të kishte vepruar, miliona euro që ju paguan mafies së plehrave, do të shkonin te shëndetësia. Koha kur pyes SPAK se çfarë po bën me autorët e vjedhjes 75 milion euro po mbaron. Pyes SPAK, pse nuk keni marrë asnjë nga personat e pëefshirë në aferën e plehrave? Pyetje SPAK-ut: Ku jeni me hetimet? Zotërinj të SPAK, çfarë ju pengon të veproni tani që faktet i dinë të gjithë qytetarët? Përse nuk janë thirrur Edi Rama, Erion Veliaj, Arben Ahmetaj?’, tha Basha.
