Përditësuar/ Një aksident rrugor ka ndodhur mbrëmjen e sotme në aksin Lezhë-Shkodër, në afërsi të kryqëzimit të Raboshtës. Dy makina janë përplasur me njëra-tjetrën dhe për pasojë njëra prej tyre ka dalë nga rruga. Nga përplasja, raportohet se dy persona janë plagosur.
“Në aksin rrugor Lezhë-Shkodër, në fshatin Balldre, mjeti tip ‘Renault’ me drejtues shtetasin S.Q., banues në Mal të Zi është përplasur me mjetin tip ‘Pegoeot’ me drejtues shtetasin E.V., banues në Milot. Si pasojë e përplasjes kanë marrë dëmtime shtetasit N.V.,dhe A.V., të cilët janë transportuar në spitalin Rajonal Lezhë, jashtë rrezikut për jetën. Grupi hetimor ndodhët në vendngjarje dhe po punon për sqarimin e plotë të shkaqeve dhe rrethanave të ngjarjes”, njoftoi policia.
