Vajza e aktorit të ndjerë Xhevdet Feri ka shkaktuar zhurmë në rrjetet sociale me postimin e saj të fundit.
Në një bashkëbisedim me ndjekësit në Instagram, Bora ka folur rreth përvojës që ka kaluar si e prekur nga koronavirusi. Bora ka zbuluar se edhe e ëma është prekur nga Covid-19. Por, ajo ka lënë pa fjalë, kur tregoi se edhe aktori ka patur simptomat e hershme të virusit.
Bora është munduar të bëjë një sqarim të statusit të saj, duke shkruajtur se babai i saj nuk ka humbur jetën për arsyen e përfolur në rrjetet sociale. Ajo ka pohuar se humbja e tij nuk lidhet me asnjë sëmundje të rëndë, të cilën e kishte mposhtur me sukses në vitin 2019.
Bora tha se ndarja e tij nga jeta ishte një insuficiencë e rëndë pulmonare, shkaku i së cilës nuk u zbulua.
Familja Feri, bashkë me mjekët janë mundur të kuptojnë nëse ka qenë ‘Covid-i’ shkaktari i humbjes së tij, por ajo thotë se ata nuk kanë pasur mundësi ta provojnë këtë gjë. Më datën 16 janar të këtij viti, Xhevdet Ferri u nda nga jeta në moshën 59-vjeçare.
