Të çuditshme, qesharake por edhe shumë absurde janë masat e fundit të propozuara nga Ministria e Shëndetësisë për parandalimin e përhapjes së Covid 19.
Ministria e Shëndetësisë ju kërkon shqiptarëve që brenda banesës të hanë ushqimin në distancë nga familjarët e tyre, në një kohë që baret dhe resorantet janë plot.
Në udhëzuesin e shpërndarë nga MSH, tregohet niveli i rriskut të infektimit me Covid-19 në rast kur jemi në distancë dhe kur jemi rreth një tavoline.
MSH thotë se duhen shmangur grumbullimet si dhe duhet ruajtur distancimi fizik, ndërkohë mbajmë maskat dhe lajmë shpesh duart.
“Duhet të shmangim grumbullimet, të ruajmë distancimin fizik për të parandaluar përhapjen e COVID-19. Maska mbrojtëse tashmë është një mjet i gjithëpranuar për dobinë e saj. Larja e shpeshtë e duarve dhe dezinfektimi i tyre ndalojnë infektimin nga SARS-COV2. Është koha të zbatojmë me përpikmëri këto tre rregulla, për mbrojtjen e shëndetit”, udhezon rekomandimi i MSH.
