Pas tërheqjes së Khabib Nurmagomedov nga UFC-ja edhe titulli kampion bote i peshës së lehtë që mbahej nga rusi do të dalë së shpejti vakant. Bastexhinjtë kanë nisur që tani të nxjerrin kuotat se cili do të jetë kampioni i radhës në këtë disiplinë.
Sipas tyre, favorite kryesor për të marrë titullin kampion bote në peshën e lehtë do të jetë Conor McGregor, ndjekur nga Dustin Poirier dhe Tony Ferguson. Më pas vijnë Michael Chandler, Justin gaethje dhe Charles Oliveira.
Për momentin, UFC-ja ende nuk ka vendosur se çfarë do të bëhet me titullin kampion të peshës së lehtë dhe se kush do të duelojë për të. Ka zëra se do të zhvillohen dy ndeshje eliminatore për titullin e përkohshëm mes 4 kandidatëve më të kuotuar dhe fituesit do të duelojnë më tej për titullin kampion.
