Situata e koronavirusit në Shqipëri duket se ka dalë totalisht jashtë kontrollit, pavarësisht përpjekjeve të qeverisë për të thënë se situata është e menaxhueshme.
Por ajo që nuk gënjen asnjëherë është situata në spitale, që duket se është në kufijtë e kolapsit.
Siç edhe duket në fotot e agjencisë LSA, brenda pak minutash tek Spitali Infektiv kanë mbërritur 6 automabulanca që kanë sjellë qytetarë në gjendje të rënduar.
Ndërkohë që ministrja Manastirliu gjeti vend sot për të bërë propagandë, duke sulmuar opozitën, dhe ashtu si padashje u shpreh se në rast se spitalet do të mbushen, vetë mjekët do të përzgjedhin se cilët pacientë do të trajtohen të parët.
