Një tjetër deputet është infektuar me koronavirus.
Portali “Politiko.al” raporton se është infektuar deputeti i opozitës parlamentare, Krenar Rryci.
E njëjta media shton se gjendja e tij shëndetësore pas infektimit nuk është e mirë dhe për këtë është kryer shtrimi i tij në një nga spitalet Covid në Tiranë.
Kujtojmë se më herët janë infektuar edhe deputetë të tjerë të Kuvendit, si Eljo Hysko, Ralf Gjoni, Adriatik Alimadhi, Blerina Gjylameti, etj.
Në bilancin ditor, Ministria e Shëndetësisë raportoi këtë të Enjte gjashtë humbje jete dhe 275 raste të reja me Covid.
