Kreu demokrat Lulzim Basha tha se ministrja e Shëndetësisë, Ogerta Manastirliu, duhej të dorëhiqej sepse po vdesin njerëzit rrugëve dhe në dyert e spitaleve. Basha tha se është e turpshme ti kërkosh opozitës të mbyllë gojën, ndërsa e cilësoi si kriminale deklaratën në Parlament të ministres Manastirliu.
“Duhej të jepte dorëheqjen, duhet të ikë sepse jemi vendi i fundit në Rajon për tamponët. Çfarë pret Manastirliu, që opozita të mbyllë gojën? Ne mbrojmë interesin publik, ndërsa kjo qeveri po luan me shëndetin e shqiptarëve”, tha Basha.
Sipas tij, është skandaloze që Manastirliu dhe Rama fshihen pas sakrificës së mjekëve.
“Le ti japin përgjigje mjekëve që flasin për mungesë tamponësh. Durrësi kërkon 60 teste, i japin 15. Çfarë bën SPAK, pse nuk heton?”, tha Basha.
