Reperi 25-vjeçar, Brian Trotter, është gjetur pa shenja jete në bagazhin e një makine pas një aksidenti në një autostradë në Miami. Oficerët e Patrullës së Autostradës në Florida zbuluan trupin e reperit pasi u thirrën në vendin e aksidentit.
Shoferi, 25-vjeçari Robert Deupree Avery Coltrain, është arrestuar dhe akuzuar për vrasje të shkallës së dytë dhe transport të paligjshëm të mbetjeve njerëzore. Autopsia tregoi se reperi u qëllua për vdekje disa herë dhe u la i vdekur në bagazh.
Dyshimet nisën pasi oficerët vunë re mizat që gumëzhinin dhe një erë të kalbur. Brenda bagazhit, ata gjetën trupin “të mbështjellë me një copë pëlhure dhe në një fazë të përparuar të dekompozimit”.
Trotter u pa për herë të fundit në 17 Tetor duke lënë shtëpinë e tij në Triangle, Virginia së bashku me Coltrain.
