Mjeku shqiptar i cili punon më Milano të Italisë, Albano Beltoja shprehet se e vetmja rrugë për të shpëtuar nga mbyllja është të zbatohen masat thelbësore për parandalimin e koronavirusit: mbajtja e maskës, distanca dhe higjiena.
“Në këtë pikë që po vijnë gjërat nuk do të përjashtoja asgjë, të treja masat që kemi thënë me forcë, maskën higjienën dhe distancën, këto masa nuk janë vënë në zbatim në shumë raste. Para se të mbyllemi, të gjithë të bëjmë një sforco, pasi vetëm kështu mund të pengohet qarkullimi i virusit”, tha mjeku në një emision televiziv.
