Delegacionet pritet të vazhdojnë diskutimin për çështjet që u kanë mbetur pa u diskutuar, takimin e kaluar.
Për më shumë se një muaj nuk u zhvilluan takime ndërmjet delegacionit të Kosovës dhe atij të Serbisë.
E një nga arsyet, ishte refuzimi i palës kosovare që në Bruksel të rihapet çështja e asociacionit të komunave me shumicë serbe.
Por, si duket insistimi i Serbisë, që asociacioni te jetë prioritet në çdo takim, është zbutur.Kjo pasi një takim në nivel ekspertësh mes Kosovës dhe Serbisë me ndërmjetësimin e Lajçak, do të zhvillohet të enjten.
Këtë e kanë konfirmuar nga Zyra e Bashkimit Europian, të cilët kanë treguar edhe temat e diskutimit.
E pala kosovare tashmë ka udhëtuar për në Bruksel.
Këtë e ka konfirmuar kryeministri Avdullah Hoti, i cili vlerëson se përball palës serbe do jetë një ekip shumë i përgatitur.
Njohësit e procesit të dialogut vlerësojnë se pala serbe pavarësisht se u kthehet takimeve, nuk heq dorë nga çështja e asociacionit.
Sipas Violeta Haxhollit, Serbia temën e asociacionit do e shtrojnë përsëri në takime.
Takimi i fundit në nivel ekspertësh ishte zhvilluar në fund të shtatorit.
Ndërsa në nivel liderësh, mes kryeministrit kosovar dhe presidentit serb, ishte zhvilluar më 7 shtator.
