Një tjetër personazh i botës së futbollit ka rezultuar pozitiv me COVID-19. Bëhet fjalë për presidentin e FIFA-s, Gianni Infantino.
Lajmi është bërë i ditur nga faqja zyrtare e FIFA-s, teksa mësohet se numri 1 i futbollit në botë, është izoluar sipas protokolleve shëndetësore ndërsa sa i përket gjendjes shëndetësore ai ka simptoma të lehta të virusit.
“Presidenti i FIFA-s, Gianni Infantino, mori konfirmimin sot se ai ishte pozitiv me Koronavirusin. Presidenti i FIFA-s, i cili ka simptoma të lehta, menjëherë u vetizolua dhe do të qëndrojë në karantinë për të paktën dhjetë ditë.
“Të gjithë njerëzit që kanë rënë në kontakt me presidentin e FIFA-s ditët e fundit janë informuar dhe u është kërkuar të marrin masat e nevojshme. FIFA i uron sinqerisht Presidentit Infantino një shërim të shpejtë!”- lexohet në komunikatën e FIFA-s.
